MENDIAUNDI DEIKA: S.O.S. MENDIAUNDI!!









Aldude Mendia Koordinakundeak Mendiaundi alderdiko harrobi proiektua salatzeko ekintza ikusgarria egin zuen larunbatean eta horren berri prentsa ohar baten bidez azaldu zuen:
Aldude Mendia Koordinakundeak Mendiaundi alderdiko harrobi proiektua salatu nahi du. Nafarroako Gobernuaren babes ulertezina duten enpresek paraje hau hondatu nahi dute Natura 2000 Sareak babestutako lurraldea izan arren.

Orain dela gutxi, Nafarroako Gobernuak Silice Navarra S.L. enpresak egin dituen lur-erauzketak baimentzen dituen ebazpena argitaratu du. Lur-erauzketa hauek oso baldintza eskasetan egin dira aurreikusitako lanaren laurdena ere burutu gabe, zorionez!

Lur-erauzketak egitea baimentzen duen ebazpeneko txosten teknikoek diotenez, erauzketa horiek lurralde honetan eragingo duten suntsiketa ez da berreskuragarria izanen. Gainera, babestutako lurraldeen araudi Europarraren arabera harrobiaren ustiapenera bideratuta dauden lur-erauzketak ez egitea aholkatzen da.

Aldude Mendia Koordinakundeak Seo BirdLiferen laguntzarekin batera, espazio hau babesteko lan egingo du. Horretaz gain, gure ingurune naturalaren suntsiketa jarduera hauek aurrera jarrai ez ditzaten saiatuko da, gure ondarerik kuttunena baita.

Honengatik guztiagatik, laguntza mezua zabaltzen dugu Mendiaundiko hegaletan, desagertarazi nahi duten mendian hain zuzen. Inguruak silice hautsez estali nahi dituzte ustezko lanpostu batzuen truke suntsituko dituztenak kontuan hartu gabe.

Arrazoi honengatik, Nafarroako Gobernuaren jarrera salatu nahi dugu eta laguntza eskatu jendeari lurralde hau enpresen diru-goseaz babesteko.