Baztango
Udalak Giltxaurdi kirol instalazioak kudeatzeko Giltxaurdi S.L. enpresa
publikoa
sortu
ondotik, aurten tarifak ez igotzea erabaki du, hori dela eta, aitzineko urteko
tarifei ez zaie Kontsumoko
Prezioen Indizearen gorakada ezarri; alta, Espainiako Estatuak BEZa igan eta gero, igoera
hori tarifetan derrigorrez nabarituko da; hala, orain artio kirol instalakuntzetako zerbitzuengatik
%8eko BEZa ordaintzen baldin bazen, orain, PPren erabakiaren ondotik %21a ordaintzen
da. Horrela erabiltzaileek BEZaren igoera abonu aukera eta ekintza
desberdinetan nabarituko
dute.
Dudarik gabe
familia bakoitzeko abonuen eta ekintzen aukeraketa eta pilaketak, guztira,
dexenteko
igoera ekar dezake. Baino erabiltzaileek ulertuko dutenez, Udalak ez du BEZaren igoera
beregain hartzen ahal, Udalaren konpromisoa KPI ez igatea izan da, aurten
%2,60. Modu berean,
enpresa publikoa egin eta gero, Udalaren lehentasunetako bat, tarifen
progresibitatearen alde egitea
izanen da, hau da, Pertsona Fisikoen Gaineko Zerga (IRPF erdaraz) kontuan
hartuta egoera
ekonomiko estuagoa duenak guttiago ordaintzea eta egoera hobeagoa duenak
gehiago ordaintzea.
Bide horretan lehenengo aldaketak, heldu den ikasturtean ikusten ahalko dira.
Nolanahi ere
den, momentu honetan, bazterketa arriskuan dauden familietako kideek, zerbitzu sozialetako
ongikusiarekin, kirol instalakuntzak erabiltzeagatik laguntzak lortu ditzakete.
Bertzalde,
aurten, berrikuntza modura eta ordainketa errazteko, abonuak bi alditan
zatiturik
ordaintzen
ahal dira.