IKASLEEN GREBAK BIGARREN HEZKUNTZA GELDITU DU BAZTANEN



Gaurko ikasleen greba jarraipen handia izaten ari da Lekarozko ikastetxean eta Elizondoko lanbide heziketa eskolan. Lekarozen Derrigorrezko Bigarren Hezkuntzako 3. eta 4. mailakoak, Batxilergoko 1. eta 2. mailakoak eta erdi-mailako formakuntza ziklokoak deituak zeuden; herenegu egindako bozketan ikasleen gehiengoa greba egitearen alde agertu zen eta gaur, 300 ikasletik 10 bertzerik ez dira klaserat agertu. Bertzalde, Elizondoko Lanbide Eskolan ikasle bakar bat bera ere ez da agertu klaserat. Atzo egindako bozketan, ikasleen %92aren babesa izan zuen grebaren aldeko proposamenak.
Modu horretan, eguerdian ikasleak manifestaldian Elizondoko plazarat hurbildu dira eta ondotik, taldeka banatuta dinamika desberdinak egin dituzte. Tailer horietan 65 ikasle inguruk parte hartu dute. Bertzalde, aipagarria da egun osoan izan den Guardia Zibilen presentzia. Plazako ekitaldiak iraun bitartean adibidez, Elizondoko plazaren gaineko aldean Guardia Zibiliaren patrol bat eta auto bat egon baitira, horietako Guardia Zibil batzuk kanpoan zirela.