Izaera politikoko epaiketa hau eta euskal herritarrek oraino jasaten duten jazarpen politikoa salatzeko Baztanen herritarren bilgune bat lanean hasi da.
Modu horretan aurrikusitako ekimenak hauek izanen dira:
- Epaiketa politikoak salatzeko eta eskubide zibil eta politikoak aldarrikatzeko apirilaren 6ko asteburuan manifestazioa Elizondon;
- Apirilaren 9an Madrilen eginen den epaiketarat joateko autobusa,
- Mozioak Baztango udalean eta Batzar Nagusian,
- Herritarren agerraldi jendetsua...
Polizia operazio horren
ondorioz torturetatik libratzeko Ernestok ihes egin behar izan zuen. Betiere
Entzutegi Nazionalean polizien eskuetatik pasatu gabe deklaratzerat joateko
eskaria egin eta prestutasuna erakutsi zuen, nahiz epaileak ez zuen eskaria
kontuan hartu. Operazio horretan atxilotutako gazteek torturak salatu zituzten.
Euskal Herrian ireki den
aldi poliko berriaren testuinguruan Urruñan bizitza normal eta publikoa
egiten zuen Ernestok baina 2012ko urtarrilaren 25ean Frantziako poliziak
Urruñan atxilotu eta Grande Marlaska espainiako entzutegi nazionaleko
epailearen eskaera onartuz 2012ko otsailean espainiaratu zuten. Azkenik,
frantziako eta espainiako estatuko kartzeletan hiru hilabete pasatu
ondotik 2012 ko apirilean espetxetik epaiketa noiz eginen zain bermepean atera
zen.