Baztango udala osatzen duten BILDU eta Ezkerra taldeek prentsa ohar baten bidez Baztan Berriko trafiko arautegia azaldu dute eta Diario de Noticias salatu sahiesidea eta Baztan Berrirako loturari buruz idatzitakoa eta errandakoa argituz. Hauxe dio hitzez-hitz:
Bertze behin,
hamekagarren aldikoz, Diario de Noticias egunkariaren jokamodua salatu
beharrean gaude, oraingoan Elizondoko saihesbidearekin izaten ari den
eztabaidari buruz egiten eta kontatzen ari denarekin.
1. Diario de Noticiasen
manipulazioak Baztango udal gobernua osatzen duten taldeak Bertan merkatarien
elkartearekin etsaitzeko gogoz idatzirik daude. Baina Baztango udal gobernuan
gauden taldeek Bertanekin harreman normalizatua dugu, elkarri errespetuz ari gara
eta elkarlana bulkatzen dugu. Horregatik Diario de Noticiasek testuinguruz
kanpo komatxoen artean jarritako erranen manipulazioa bereziki gaiztoa eta
zikina iruditzen zaigu.
2. Saihesbidearen
Elizondoko sarreraren kontua afera konplikatua da. Berez Elizondora sartzeko
zubia egin beharko litzateke, baina UPNren Nafarroako Gobernuak hori gibeleratu
du.
3. Horrela gauzak,
saihesbidetik Elizondorat Baztan Berrin barna sartzeko aukera aipatu izan dute
zenbaitzuk, eta aukera hori, Elizondoko Herriarekin solastatuta herri batzarrea
egitea erabaki zen, 2012ko ekainaren 15ean egin zen eta 100 herritar inguruk
parte hartu zuten.
4. Batzarrak zubia egin
artio Baztan Berriko sarrera ez irekitzeko erabakia hartu zuen autoen, kamioien
eta autobusen sarrerak eraginen lukeen arriskuarengatik eta auzoko karrika
estuetarat ekarriko lukeen pilaketarengatik.
5. Baztango udal gobernua
osatzen dugun taldeek behin eta berriz erran dugu elizondarrek erabakitzen
dutena errespetatuko dugula. Ez dugu
inongo arazorik Baztan berriko adarra hetsia kontzeko edo irekitzeko.
Herritarrek erabaki beharko dute hori, erabakia ekartzen ahal dituen ondorio
guztiak ongi baloratuta.
6. Bertzalde Elizondoko
trafiko nahasmendua zuzentze aldera Bertan merkatarien elkartearekin
elkarlanean erosketak eta zamalanak egin ahal izateko plana lantzen ari gara,
hemendik guttirat martxan izanen dena.
7. Halaber, Baztan Berri
inguru guztiak jasan duen bazterketa bideratzeko eta bertako trafiko
aldrebeskeria zuzentzeko Baztango udalak, elizondoko herriarekin eta
auzotarrekin Baztan Berri eremurako
barneko trafikoaren arauketa berria eginen du. Horren berri zehatza ondoko
egunetan emanen dugu, baina dagoeneko aipatu daiteke lan gehienskoenak eginak
daudela.
8. Guztiarekin UPN guzti
honetan erakusten ari den axolagabekeria salatu nahi dugu. Eztabaida konplikatu
honetan zentzuz aritu eta lagundu beharrean etekin politikoaren bila bertzerik
ari ez baita.