Prentsa agerraldi baten bidez , ELA, LAB eta EHNE sindikatuek maiatzaren 30ean greba egitera deitu dute:
Krisia hasi zenetik
gobernu ezberdinak inposatzen ari dizkiguten politikek emaitza bakarra izan
dute: krisian oraindik eta gehiago sakontzea. Bizi dugun egoera ez da krisi
ekonomikoaren ondorioa, honen aitzakipean martxan jarri dituzten politiken
ondorioa baizik. Politika hauen helburua herritarrak pobretzea eta eskubideak
kentzea da, betikoek aberasten jarraitzen dutela bermatzeko.
Madrilgo gobernuak
inposatu egiten du eta Gasteiz eta Iruñeako gobernuek inposaketak onartzen
dituzte, politika antisozial berdinak aplikatuz. Politika antisozial horiek
aldatzera behartu behar ditugu eta horretarako borroka eta mobilizazioa behar
beharrezkoak dira.
Hartu duten bide
honek hondamendira garamatza eta jakin badakite, exijitu egiten diegu EAE eta Nafarroako
gobernuei beraien lehentasuna bertan lan eta bizi garen langileon ongizatea
izatea, banka eta multinazional handien interesak baino.
Gainera egunero
ikusten ari gara nola murrizketak inposatu dizkigutenek gure diruarekin beraien
sakelak bete dituzten. Hortxe daude CAN auzia eta dieten afera. Dirurik ez
zegoela erran eta gerrikoa estutu behar genuela erran eta bitartean diru
publikotik poltsikoak bete dituzte. Bertze aldetik zerbitzu publikoen
pribatizazio politiken ondorio, intereses pribatuak osasunaren gainetik jarri
dira, hospitaletako janarietan kaka banatzera iritsi direlarik. Beraz ez da
dirurik ez dagoela, edota gerrikoa estutu behar dela, baizik eta indarrean
dagoen eredu politiko eta soziala gottitik behetti irauli behar dela.
Krisiaren
hasieratik Euskal Herriko gehiengo sozial langilea borrokan dago, eta
testuinguru honetan Maiatzaren 30eko greba orokorra beharrezkoa eta
ezinbertzekoa da, gobernu ezberdinei altu eta ozen errateko nahikoa dela.
Baino ezin gara
salaketa eta borroka hutsean gelditu eta urrunago joan behar dugu, alternatiba
eraiki behar dugu. Bertze eredu bat
posible dela aldarrikatzetik eraikitzera pasatu behar dugu. Bide horretan lehen
urratsa Euskal Herriko eskubide sozialen gutuna izanen da, Euskal Herrian
egiten ari garen borroka guztiak batzeko tresna izanen dena, helburu argiekin,
eskubide sozial eta laboralak errespetatzeko, eta justizia sozialean
oinarrituko den eredu berri batera eramanen diguna.
Ondorioz greba
orokor honek indarrak bildu, borrokatu eta alternatiba eraikitzeko bidean
bultzada izan behar du. Eredu sozio-ekonomiko propioa, Euskal Herrian eta
Euskal Herriarentzat erabakia eta gehiengo sozial langilearen partehartzearekin
eraikiko dena.
Baita ere aipatu da
ez dela greba laborala, soziala baizik. Krisi sozio-ekonomiko larri baten
aurrean gaudelako eta horrek denei eragiten digu.
Azkeneko Lan eta
Negoziazio kolektiboaren erreformek negoziazio kolektiboa blokeatu eta lan
baldintzen haustura totala suposatu du.