UGPSren eraginpeko lurrak, proiektuaren bulkatzaileenak izan edo ez, promotorearen eta Nafarroako Gobernuaren eskuetan geldituko dira. Lurjabe ttikiak desjabetzekin, justiprezioekin eta gainerako erabakiekin erne ibili zaitezte!
Behin baino gehiagotan erran dugunez Aroztegia oraingo krisi gogorrerat ekarri gaituzten proiektu espekulatzaileen gisakoa da. Alde batetik Domingo Arotzarena bezala zergairuzurrean nahasitako promotoreak, zeinak ogasunari 2,5 milioi euroko iruzurra (415 milioi pzta.) egin baitzion. Bertzaldetik adreiluan egindako inbertsioengatik denon artean milaka milioi eurorekin erreskatatu dugun Caixa Galicia. Azkenik, Nafarroako Gobernuaren moduko administrazio publikoa, ekimen pribatuei beren proiektuak herritarren eta ohiko prozeduren gainetik tramitatzeko UPGSa erabiltzen uzten diena. Honen guztiaren emaitza arruntena krisia, bezerokeria eta ustelkeria da. Azkeneko hamarraldian ikusitakoak ikusita zerbait ikasia beharko genuen!
Aroztegian, golf belagia eta luxuzko hotela funtsean dagoen egitasmoa eta prentsak kasualki ixiltzen duena egiteko aitzakia bertzerik ez da, hau da, 230 etxebizitza berri. Etxeketa horrek 800 pertsona inguruko herri berria sortuko luke Baztanen. Bailaran dauden etxe hutsak ikusita eta hazkundeeredua bailaran dauden herrietan banaketa modu orekatuan eginez oinarritu beharko litzatekeela kontuan hartuta, proiektuak ez du inongo justifikaziorik.
Hala, honakoaz ohartarazi nahi dugu: promotore susmagarriek, Nafarroako Gobernuaren aldekotasunarekin eta UGPS bezalako ezohiko baliabide juridikoa erabiliz, bat ere interes sozialik ez duen proiektua bertako erakundeen, herritarren eta borondatearen gainetik egin nahi dute.
Horregatik elkarretaratzea deitu dugu: AROZTEGIA PSISik EZ. BAZTANGO AFERAK BAZTANDARREK ERABAKI. Urtarrilaren 4an, 12:00tan, Lekarozko plazan.Aroztegia eta gero zer