AURTEN BAZTANDARREN BILTZARRAK EZ DU KARTEL LEHIAKETARIK EGINEN

Prentsa ohar baten bidez halaxen adierazi du:

Baztandarren Biltzarra hurbiltzen ari dela eta, aurtengo besta iragarriko duen irudiaren inguruan solasteko elkartu gara, eta elkarteak aurten lehiaketarik ez dela izaenen erabaki du.

Bertze alorretan bezala, bertakotasuna bultzatu nahian, irudia Baztango artista grafiko baten eskuetan uztea erabaki dugu. Gisa honetan, kartelaren kalitatea ziurtatzeaz gain, irudiak bestaren esentzia eta izaera garbi erakustea bilatzen dugu, eta bidenabar, lehiakortasuna ekiditea.

Baztango artista grafikoak parte hartzera animatu nahi ditugu. Horretarako, jada egin dituzten lanen portafolioak martxoaren 30a baino lehen aurkeztu beharko dituzte elkarteak beraien berri izateko. Jasotako portafolioen artean aurtengo besta iragarriko duen artista hautatu eta berehala jakinaraziko diogu. Gainontzeko portafolioak, berriz, datozen urteetarako hautagai gisa gordeko ditugu, asmoa urtero artista ezberdin baten lana aukeratzea baita.

Lanak formato digitalean bidali behar dira baztandarrenbiltzarra@hotmail.com helbidera.