Urtero bezala
ereiaroaren 1ean Erdizeko herri-bazkalekuan behiak sartzen hasi dira. Azienden
sarrera bizpahiru egunez egiten denez, ondoko egunetan jakinen da zenbat behi buru
sartu diren aurten. Iaz, adibidez, 480 izan ziren. Gainerako hilabeteetan zaldi-behorrak
– aitzineko urtean 230- eta ardiak -1.200- izaten dira. Denera lauetan hogei
nekazarik erabiltzen dute bazkalekua.
Erdizeko herri-bazkalekua
Baztango handiena da 575 hektarea inguru ditu eta Aldude Mendi izeneko Babes
Bereziko Eremuan dago, inguruak duen balio ekologiko handiarengatik.
Erdizeko
bazkalekuak nekazaritzan eta tokiko ekonomian duen garrantzia ikusirik, udalak
urtero inbertsio desberdinak egiten ditu. Orain hiru urte Pitzamar alderdian
korlea egin zen eta iaz Buztamorroko aska berritu zen. Modu berean ur-tutuak
berritu dira eta Gurutzetako lepoko pista ere berritu zen. Komisionatuko maldan
bertzalde, elorriak bakandu ziren. Aurten Bihotzeko ziloko aska berrituko da
eta Larrakarteko pista errepasatuko. Gainerakoan urtero lau-bortz hektarea sasi
mozten da.
Erdizeko
bazkalekuak gainera ziurtagiri ekologikoa du eta urtero ongailu ekologikoak
ematen zaizkio.
Hamar urteren
ondotik, aste honetan, Erdiz inguruan meategia egin nahi duela jakinarazi du
Magnak