Arrazoi
desberdinengatik bizpahiru aldiz gibelaratu ondotik, ortziralean okintza
ekologiko ikastaroa burutu zuten Baztanen, zehazki, Elizondoko eskolako
sukaldean. Udalak antolaturik eta Eduardo Salvador Basque Culinary Centerreko
irakaslearekin hiru ordu eta erdiz okintzaren oinarrietaz modu praktikoan aritu
ziren: orantzaz, irin desberdinetaz, ogi klaseetaz, labeaz eta ogia egosi eta
erretzeaz… Modu horretan, orantza eta ogia egiten ikasteaz gain, harat
hurbildutakoek ogi ekologiko eta sano egin berria etxerat eraman ahal izan
zuten.
Aipatu ikastaroa
Baztango agroekologia eskola herritarraren egitarauaren barnean gauzatu zen.
Ondoko saioa apirilaren 12ko transgenikoei buruzko solasaldia izanen da.