Heldu dira Elizondoko
Urriko Feriak. San Lucas jaiaren osteko ortziralean eta larunbatean, datorren
urriaren 25 eta 26an izanen dira.
Ortzirala izanen da
egun nagusia, abereek Merkatu Plaza hartzen dutelarik, goizeko 10.30etatik
aurrera. Abereekin batera, nekazaritzako lanabesak eta makinak, eskulanak,
osagarriak eta garaiko eta herrialdeko gastronomia produktuak saltzen dituzten
saltokiek osatuko dute eskaintza.
Herriko kale
nagusiak saltokiz gainezka izanen dira asteburu osoan; izan ere, urtetik urtera
gero eta gehiago dira Elizondora ferietako
asteburuan etortzen diren saltokiak.
Egun honetan, inguruko
jatetxeetara hurbiltzen denak azoketako ohiko menua izanen du, aukera, dastatzeko:
txitxirioak azarekin eta usoa saltsan, gehienetan.
Larunbatarekin jarraituko
du Feriak; eta urtero ohikoa den herri kirol erakustaldien barne, aurten,
Nafarroako 8x8 sokatira txapelketa izanen da, 520 eta 600 kiloetako
kategorietan.
Elizondoko Herriak antolatzen ditu Feriak eta Baztango Nekazariek eta Baztango Udalak babestu.
Guztiarekin, Elizondora
hurbiltzen den edonork asteburu ederra pasatzeko aukera izanen du.