Azaroak 25ean Emakumeenganako
Indarkeriaren Kontrako Nazioarteko Egunaren harirat hainbat ekitaldi antolatu
dira, Baztango Udaleko Berdintasun Batzordea eta Baztango Talde Feministaren
eskutik.
Azaroaren 19an abiatu
dira ekimenak, Alu Alu antzerki foroaren bitartez. 19:00etan izanen da foroa, Arizkunenea
Kultur Etxean.
Alu Alu antzerki
foroa emakumeen sexualitatea umoretik, onarpenetik, plazeretik plazaratzeko
tresna gisa sortu da. Emakumeen sexualitateaz aunitz solastatzen ahal da, baina
antolatzaileen aukera izan da, oraingoan,
birsortzeari buruz deus ere ez aipatzea eta norbere buruarekiko tratu onak,
harremanak, plazera...izatea erdi gunea.
Azaroaren 20an,
antzerki foroa Lekarozko institutuko DBH4 ikasleendako eginen da; jarduera hau
ez da publikora irekia izanen, soilik aipatu ikasleentzat, goizez, Arizkunenea
Kultur Etxean.
Azaroaren 24an ATX
Teatroaren txanda izanen da, zeinak mendeku zilegiaren gaineko bakarkako
ikuskizuna ekarriko duen. Ardatz nagusitzat biolentzia matxista duelarik,
errealitatea eta fikzioa uztartzen dituen istorioa da. Lekua: Damaso Zabalza
Gizarte Bilgunea, Iruritan, 19:00.
Azaroak 25ean,
emakumeenganako indarkeriaren kontrako nazioarteko egunean, 12:00etan elkarretaratzea
eginen da Elizondoko Foruen Plazan; eta 19:30etan, manifestazio burrunbatsua
Elizondoko foruen plazatik abiatuta.
Jendeari beltzez
eta aurpegiak tapatuak etortzeko gonbita luzatuko diogu, baita zarata egiteko
tresnak ekartzeko ere.
Manifestazioa baino
lehen performance bat eginen da
plazan, 19:00etan.
Bukatzeko, Baztango Udalak azaroaren 25ari begira onartu duen adierazpen instituzionalaren esteka pasatzen dizuegu.
Baztango Udalaren adierazpen instituzionala
Bukatzeko, Baztango Udalak azaroaren 25ari begira onartu duen adierazpen instituzionalaren esteka pasatzen dizuegu.
Baztango Udalaren adierazpen instituzionala