Baztango
Batzar Nagusiak Oharrizko harrobiaren egoera aztertu zuen irailaren 1ean egin
zuen bilkuran.
-
Arraioztik Elbetera egiten ari den saihesbideari buruzko proiektuan lurraren azterketan
egondako akatsak direla eta, Nafarroako Gobernuak Baztango Udalari baimena
eskatu zion Oharrizen zegoen zabortegiko lur eremuan 1,64Ha ustiatzeko.
-Virginia
Alemanek Baztango alkate ohiak, 2010eko uztailaren 23an egindako ebazpenaren
bidez, lur eremu hori ustiatzeko baimena eman zion Nafarroako Gobernuari, nahiz
eta beranduago onartu baimen hori emateko eskumenik ez zuela. Izan ere, lur
komunala izanik, Batzar Nagusiari dagokio baimen hori ematea.
-Ustezko
baimen horrekin, enpresak zuzenean eman zion hasiera parajearen ustiaketari.
Hasieran, eskatutako kopuruarentzat, kopuru horrek Ingurumenaren Eragina
Neurtzeko Txostenik behar ez zuelako.
-Ondoren,
harri gehiago atera behar zutela (0.36Ha) eta, ustiaketa handitzeko eskatu eta
Ingurumenaren Eragina Neurtzeko Txostena egin zuen enpresak. Hala ere,
ustiaketaren handitze hori egiteko ez zaio Batzar Nagusiari baimenik eskatu eta
hasierako ebazpen horren bidez emandako ustezko baimenean oinarritzen ari dira
ustiaketarekin jarraitzeko, Baztango zenbait herritako alkateek Nafarroako
Gobernuko Ingurumen Departamentuaren txostenaren aurkako alegazioak aurkeztu
eta horren erantzuna oraindik eman gabe egon arren.
-Ikusita
Udalak edota Batzar Nagusiak jarduera horren legezkotasuna baloratu ahal
izateko afera horri dagokion udaleko espedientean beharrezko informaziorik ez
dagoela eta kontuan hartuta Nafarroako Toki Entitateek euren ondareko ondasun
eta eskubideen kontserbazio, babes, berreskuratze eta hobekuntza zaindu behar
dituztela eta horiek babesteko beharrezkoak diren ekimenak aurrera eramatera
derrigortuak daudela:
Batzar
Nagusiak erabaki du:
1-
Hasierako ebazpena ez berrestea, ez delakoz egokia alkateak Batzar Nagusiaren
izenean erabaki hori hartzea.
2-
Harrobiko lanak gelditzeko eskatzea, erauzketa horren ardura duen enpresa lanak
bidezko tituluz egiten ari den edo legez kanpoko okupazio baten aitzinean
gauden argitu arte eta legez dagozkigun konpentsazioak Nafarroako Gobernuarekin
hitzartu arte.
3- Nafarroako
Gobernuko Herri Lan Sailari premiazko bilkura eskatzea. Atzo, irailak 8,
Baztango Batzar Nagusiko eta Udaleko ordezkariak eta idazkaria Herri Lan
kontseilariarekin eta zuzendari nagusiarekin bildu ginen. Bilera horretan, bi
aldeek adierazi genuen egoerari konponbidea ahalik eta lasterren bilatzeko
beharra. Halaber, Nafarroako Gobernuak harrobia gelditzea erabaki du,
harrobiaren egoera legala zuzendu arte.