Baztango
Ezker Abertzaletik Baztango UPNren kargu publikoek duten gaitasun falta
nabarmena salatu nahi dugu. Herritarren %77 euskalduna den udalerrian UPNren
udal taldearen bortz zinegotzietatik batek bakarrik daki euskaraz, nahiz eta
udalbatzar eta Batzar Nagusi gehienetan erdaraz bertzerik ez den aritzen.
Euskaraz
ez jakiteak eta horrek dakarren gaitasun faltak udalbatzarretan, Batzar
Nagusian eta batzordeetan arazo eta gastu aunitz sortzen ditu: adibidez
itzultzaile gastuak. Hautetsi publikoetaz ari gara, hauen prestaketa faltaz eta
horren ondorioz dena nola baldintzatzen duten, ez tokiko administraziorat
zuzentzen diren herritar arruntetaz. Baina beraien gaitasun falta konpondu eta
euskaraz ikasi beharrean azken aldian harrokerian eta espantukerian ari dira.
Eta horren erakusgarri idatziak euskaraz sartzen direlarik edo taldeen izenean
norbanakoek idatziak euskaraz aurkezten dituztelarik egiten dituzten isti eta
keinuak eta izaten duten jarrera. Guzti horren azken emaitza UPNrek
argitaratutako hondarreko berripapera da. Eskuin muturrarena lasai aski izan
daitekeen tonu erasokorra eta errespetu eskasekoa erabiliz, erdara hutsean
argitaratu dute, euskararen guttiagotze eta bazterketan akitboki parte hartuz.
Horrek ez digu sobera harritzen zeren UPN dagoen toki guztietan aski nabarmena
baita, bai Nafarroako Gobernuan, euskarazko komunikabideei laguntzak kenduz
erdarazkoiei milioiak ematen dizkien biztartean, edo Baztanen
hizkuntz-kolonizatzaile gisa jokatuz. Helburua beti bera, euskaldunak
azpiratzea.