Euskaldunek euskaldun gisa aritzeko ditugun
zailtasunei aitzin egiteko konplexurik gabe, TELP tailerra antolatu du Baztango
Udalak.
NON:
Arizkunenean
NOIZ: Martxoaren 30ean,
17:00-20:00 - Martxoaren 31n, 09:30-14:00
Izen-emateak martxoaren 20 arte Baztango Udaletxean, 948 580 006
telefonoan
Zer da TELP?
(Taller d’espai
Lingüistic Personal)
Gemma Sanginesek
eta Ferran Suay i Lerma-k hizkuntza-mendekotasuna
edo sumisioa eta
hizkuntza menperatzailera aldatzeko jokabide
sistematikoak
ikertu dituzte: adibidez, norbaitek gure hizkuntza ezagutzen
ez duenean, baina
ulertzen duenean; edo guk uste dugunean ez dakiela…
Katalanaren
gizarte-erabileraren kezkak eraginda ekin zioten lanari Suay
i Lerma eta
Sangines psikologoek, eta, geroztik, TELP saio anitz eman
dituzte
Katalunian, Valentzian eta Euskal Herrian. TELP tailerrean
proposamena egiten
dute, euskararen hiztunek euren hizkuntza erabiliz,
eroso eta gustura
jarduteko, eta, hizkuntzarekin elkarreragiterakoan,
egoerak ongi nola
bideratu erakusteko. Horretarako, esku-hartze edo
interbentziorako
estrategia bat lantzen da ikastaroan.
Zein helburu dauka?
· Hizkuntzaren
inguruan sor daitezkeen egoera deserosoak arintzea eta
desagerraraztea.
· Hizkuntza
jokabide asertiboari esker gusturago egotea eta horretarako
baliabideak
sortzea.
Nork hartzen ahal du parte?
Euskalgintzako
kideek, irakasleek, gurasoek, aisialdiko
begiraleek…hizkuntza-kontzientzia
eta interesa duen orok.
Irakaslea
Saioaren gidaria
Gemma Sangines (Bilbo, 1970) izanen da. TELP
tailerraren
sortzailea, Ferran Suai i Lermarekin batera. Sangines Kirol
Psikologian eta
Klinika Psikologian espezializatu zen, eta Valentziako
Psikologia
Erakundearen sortzaileetako bat da.
Zer lantzen da eta nola?
Tailerrean ariketa
praktikoak eginen dira, behar diren azalpenak emanda,
eta, oro har, saio
parte hartzailea izanen da. Edukien artean, bertzeak
bertze,
honakoak landuko dira:
· teoria
azalpen batzuk
·
hizkuntza-gatazkak
· ikuspegi
estrategikoa, konponbiderako gakoak
· baliabideak,
portaerak aztertzeko eta portaeretan eragiteko
· aniztasuna,
zailtasuna eta progresibitatea
· baliabideak eta
estrategiak (gaztelaniara aldatzen dugun egoera motak
aztertuz,
euskararen aldeko hautua egiteko)
· hizkuntza-
asertibitatearen aldeko proposamena: jokaera pasibo eta
oldarkorraren
artean kokatzen den hizkuntza-jokabidea
· parte-hartzaileen kezkak eta jokaerak.