Baztango
Herrira ekimenak “kartzela eta osasunari” buruzko solasaldia antolatu du
asteazken honetarako – martxoaren 28-. Mintzaldia Elizondoko Arizkunenea kultur
etxean eginen da, atsaldeko 8etan eta horri buruz gehiago jakiteko Daniri
elkarrizketa ttipi bat egin diogu.
Osasuna
eta kartzela solasaldia zergatik antolatu duzue?
Gaur
egun eritasun sendaezin edo larriak dituzten 15 euskal preso politiko daude
kartzeletan. Espetxean egonda ez zaie ematen ahal heuren eritasunek eskatzen
duten atentzio eta zaintza egokiak, kontrakoa baizik; ez zaie behar duten
segimendu medikua egiten, ezin dute jarraitu behar dituzten dietak,
konfiantzazko medikuei trabak paratzen zaizkie preso gaixoak bisitatu ahal
izateko e.a.. Kartzelan dauden preso gaixoen egoera azaltzeko antolatu dugu
solasaldia.
Preso
politikoen osasunaz arduratzen diren mediku ezberdinek Jaiki Haidi elkartea
osatzen dute eta berriki txosten bat plazaratu dute kartzelen atentzio mediku
eza salatuz. Elkarte horren partaide diren Mikel Urra medikua eta Oihana
Barrios psikologa solastuko dira horri buruz.
Iñaki
Erro Elizondoko preso politikoak ere eritasun larria du eta Almerian dago
preso…
Bai,
urtarrilan 3 stent paratu behar izan zizkioten 3 arteriatan eta "kardiopatia
iskemiko larria" diagnostikatu zioten. Eritasun horrek zaintza arras
berezia behar du, elikadura, stressik gabe egotea.. eta batez ere medikuen
segimendu zorrotza. Almeriako kartzelan egonda ez ditu atentzio horiek, eta
bere osasuna okerrera egin ez dezan askatu beharko lukete.
Larunbatean
preso eriei buruzko manifestaldia eginen da Iruñean…
Herrira
azken hilabeteotan burutzen ari den preso gaixoen inguruko kanpainaren ekitaldi
nagusia. Aipatutako 15 preso hauek aske egon behar dira lehenbailehen,
bertzenaz laster desgraziaren bat pasatu daiteke. Larunbatean Iruñeako kaleak
bete behar ditugu preso erien askatasuna eskatzeko, presio sozialaren bidez
preso gaixoen kaleratzea lortu dezakegulako. Beraz badakizue, larunbatean DENOK
IRUÑERA!!