Astelehenean
egin zen Baztango Batzar Nagusian, Magnaren Kintoko herri-lurren desafekzio
eskaerari Batzar Nagusiak bi aldiz emandako ezetza bertze behin berrestea
erabaki zuten batzarkideek. Aldeko 22 bozka izan ziren eta 7 aurka (UPN,
Ezkerra eta Elbeteko alkatea).
Batzar
Nagusiak Magnaren Kintoko desafekzioari bi aldiz ezetz erran dio, haatik, UPNek
eta Ezkerrak beraiek parte diren Batzar Nagusiaren erabakia ez errespetatu eta,
otsailaren 2an, udaleko osoko bilkurarat gaia eraman zelarik eskariaren alde
bozkatu zuten.
Astelehenean
Batzar Nagusiak hirugarrenekoz Kintoko mankomunitatean Baztango ordezkariek
ezezkoa ematea erabaki zuen.
UPNren
eta Ezkerraren leialtasun eta errespetu falta salatzeko, Batzar Nagusiaren
hasieran bi alderdi horietakoak ez bertzerik, gainerako batzarkide guztiak
bortz minutuz lekutu ziren. Garbiñe Elizegi Batzar Nagusiko presindeteak
(BILDU), bortz minutuko etena erabaki eta protesta ekimenaren ondotik, bilkurak
jarraitu zuen.