Baztango haur eskolako
irakasle eta gurasoek Nafarroako
Gobernuak arlo honetan egin nahi dituen aldaketak salatzeko eta, Espainiako
hezkuntza ministeritzak hartutako azken
neurriak kritikatzeko agerraldi jendetsua egin zuten atzo. Agerraldian maiatzaren 2an Elizondon eginen den
elkarretaratzerako deialdia egin zuten.
Hauxe erran zuten,
hitzez-hitz:
Azken egun hauetan
komunikabideetan aipatzen ari dira Nafarroako Haur eskoletako Dekretu Foralak aldaketa batzuk jasan ditzakeela. Aipatutako
dekretua 2007koa da, aplikazio data
bat zeukan, zeina ikasturte honetan 2011-2012
bukatzen den. Aplikazio edo ezarpen horiek egin gabe aldaketa batzuk egin
nahi dituzte “gaur egungo egoera” aitzakitzat erabiliz.
Aldaketa horien bitartez
zentru pribatuek onura garbiak
izanen dituzte (haurtzaindegi eta 2 urteko gelek). Izan ere, hauek zailtasunak
baitituzte beren instalazioak eskatzen diren baldintzetara egokitzeko. (Denbora izan dute!). Ratioen igoerarekin
(haur kopuru gehiago hezitzaileekiko) euren diru-sarrerak igoko dira eta horrekin beraien kontu korronteak.
Baina haurren baldintzak eta eskolako
zerbitzuaren kalitateak okerrera eginen dute.
Wert ministroak
eta bertze politiko batzuk hezkuntzan egiten den esfortzua baloratu behar dela
erraten diguten arren, egin nahi duten aldaketa horrekin, moldaketak egin ez
dituztenei lagunduko diete. Hala nola, dekretu horretara egokitzeko lan egin
dugun eskola guztiei zirgortzen gaituzte, izan ere, orain arte eskatzen zutena
betetzeko guk, altzariak, espazioak, Hezkuntza Proiektua eta Proposamen
Pedagogikoa… egin baititugu. Egindako kalitatezko aurrerapen horiek guztiak
kendu nahi dituzte.
Bai familiak eta baita
eskola ere ezin gara ezer egin gabe geratu, entzun behar gaituzte.
Eskolatik animatzen
zaituztegu zuen desadostasuna adieraztera:
MAIATZAREN 2an,
ATSALDEKO 6ETAN ELKARRETARATZEA ELIZONDOKO PLAZAN