Atzo goizean
foruzainek Eneko Etxandi arraioztarra atxilotu zuten, nahiz atsaldeko
19:00etarako epailearen aitzinean deklaratu ondotik karguekin libre atera zen.
Joan den urteko San Ferminetan udaltzainekin izandako kalapitan aginteari eraso
eta lesioak egin izanaz akusatu dute. Atxiloketa goizeko 11ak aldean izan zen,
Arizkunen; handik Elizondoko foruzainen egoitzarat eraman zuten eta
ondotik Iruñeako udaltzainen komisaldegirat. Bertan atsaldeko 5:30ak artio
eduki zuten epailearen aitzinean deklaratzerat eraman artio. Epaileak
deklarazioa hartu ondotik atsaldeko 19:00etako kalean zen karguekin epaiketaren
zain. Atxiloturik egondako denbora guztian tratua normala izan zen. Gertatutako
guztiaren inguruan solasteko atzo atsaldeko 8etan batzarre informatiboa egin
zen Elizondon, 35 herritar inguruk parte hartu zuten. Enekoren atxiloketa eta
errepresioa salatuz pankarta paratu zuten.