ERNESTO PRAT ETXEAN DAGO!


Ernesto Prat hiru urte eta erdiren ondotik larunbatean Elizondorat, etxerat itzuli zen. Hamarnaka baztandar hurbildu ziren -150 inguru-  tarrapataka eta ahoz aho antolatu eta inprobisaturiko ongi etorri deialdirat. Goizeko 11:30etan ikurriña artean Elizondoko plarat iritsi zen ongi etorria ematen zioten pankartez inguratua. Besarkadak, irriak, emozioak, poza  nagusitu ziren hainbertze itxarondako momentu  horretan. Espetxean jarraitzen duten guztiak ere oroitu ziren, baita Kepa Arizmendi ere, bizi osoa ihesi emanik sorlekurat itzuli ezinik hil zen Elizondo iheslari politikoa. Alta Guardia Zibilak plazarat hurbildutakoak bideoz grabatu eta argazkiak atera zizkien, jazarpen politikoak eta presentzia militarrak jarraitzen duenaren zorigaiztoko lekuko gisa.
2008ko irailean EKINen aurkako polizia operazio batetik ihes egin eta joan den otsailean Urruñan atxilotu zuen poliziak Ernesto. Ondotik euroagindu baten bidez espainiaratu eta azkeneko hilabeteak Madrilgo espetxe desberdinetan egin ditu. Ortziralean 25.000 euroko bermepean kartzelatik atera zen eta orain, berriro etxean dugu. Ongi etorria!