Heldu den larunbatean manifestazioa eginen da Baionako karriketan Preso eta iheslarien eskubideen alde. HERRIRA mugimenduaren arabera azpimarratzekoa da izaten ari den babesa. Euskal
Herri osoko eragile politiko, sindikal eta sozialek bat egin dute
deialdiarekin, eta egunero berritzen ari dira manifestazioan parte hartzera
animatu diren herritarren eta eragileen izenak.
Herriraren ustez azpimarratzekoa da orain arte aldarrikapen hauekin bat egin
baina mobilizazioetara lotu ez diren hainbat eragilek eman duten urratsa.
Zentzu honetan, Ipar Euskal Herriko EAJ alderdiak eta Hego Euskal Herriko Ezker
Batua- Berdeak emandako babesak "erakusten du presoen giza eskubideen
aldeko aldarrikapena indar berria biltzen ari dela".
Deialdia egiten dugu arranbelatik bertan parte hartzera. Azaroaren 10a, 15:30etan