arranbela

Bilatu blogean

Data: azaroa 06, 2015

Lortu esteka
Facebook
X
Pinterest
Helbide elektronikoa
Beste aplikazio batzuetan

Lortu esteka
Facebook
X
Pinterest
Helbide elektronikoa
Beste aplikazio batzuetan

Ikusienak

AURTEN ERE MARTXAN DAGO SOLASLAGUNA PROIEKTUA

Proiektu honen helburua euskaraz solastatzeko zailtasunak dituztenak eta euskaraz ongi solastatzen direnak taldeka astean ordubetez bilduz, zonaldeko euskararen erabilerari bultzada bat ematea da. Erran beharrik ez dago parte-hartzea erabat debaldekoa dela eta aurten, Malerrekako Mankomunitateaz gain, Baztango Udala eta Bortzirietako Euskara Mankomunitatea ere egitasmoa bultzatzen ari direla. Hau aitzinerat ateratzeko denen beharra dago, bai euskaldun zaharrena eta baita euskaldun berriena ere. Beraz, proiektuan parte hartu edo bertzerik gabe gehiago informatu nahi dutenak konbidatu dituzte aurkezpen hitzaldi eta ondorengo luntxera, NON: Malerrekako Mankomunitatean (Zazpi Gurutze Karrika 2.zk-an), Donezteben , NOIZ: urriaren 31n , asteazkena, arratsaldeko 19:30ean.

BAZTANGO OSASUN KONTSEILUA 90. HAMARKADATIK LEHEN ALDI BILDUKO DA.

Baztango osasun kontseilua 90. hamarkadaren hasieratik lehen aldiz ortzegunean bilduko da. Osasun kontseilua herritarren eskubidea den osasun arreta bermatzeko, hobetzeko eta eraginkorrago egiteko bilgunea da eta, bertan, erakundeetako ordezkariak, osasuneko profesionalak, sindikatu eta herri erakundeetako ordezkariak biltzen dira. Udal berria osatuz gero, udal gobernuaren helburuetako bat Baztan-Zugarramurdi eta Urdazubiko osasun kontseilua berreskuratzea izan da eta, azkenean, lortu da. Aipatzekoa da, halaber, Elizondoko osasun etxeko arduradunen eskaera ere izan dela aipatu bilgunea berreskuratzea , modu horretan, eragile desberdinek aho batez egindako eskariari erantzuna eman zaio. Bilera ortzeguna, 18an eginen da Baztango Udaleko Batzar Gelan 13:00etan Ortzeguneko bileran parte hartuko dutenak: Iparraldeko eremuko zuzendariordea : Antonio Perez Andrés Baztango udaleko ordezkariak : Garbiñe Elizegi, Iñigo Iturralde eta MªCarmen Iribarren. Urdazubiko udaleko ordezkaria ...

ELUSTONDOREN ANIZKO SOLASALDIA SAREAN: BELTZ GUZIAK EZ DIRA BELE

EUSKAL NOBELA BELTZAREN ASTEAren barnean M.A. Elsutondok Gotzon Garateri buruz emandako solasaldia ilbeltza.eus webgunean paratu du (H)ILBELTZAK: Iazko gisa berean sasoi honetan, leitzen harrapatu nau ilbeltza xuriak, (H)ilbeltza beltzak. Jainkoaren bideak asmaezinak baitira zinetan eta penetan, ez dakit zer deabruk ekarri didan halako testua, gure etxeko ordenagailu pantailara lehenbiziko, paper xurira gero. Istanteko, ez dut erran delako deabru hori identifikatzen asmatu, alegia, ordenagailu pantailara ipuin bihurri hauxe ekarri didan sorgin, azti edo iratxoa. Leitu dut testua, hala ere, eta jakin dut: San Martinen estutasuna du izena ipuinak. “San Martin errementaria zen. Behin, ari omen zen mailua esku batean, kurrikak bertzean burdin goriari joka, tiriki-tauki-tauki, mailuaren hotsa, tiriki-tauki-tauki, mailuaren hotsa, kolpe txarren bat jo, nonbait, eta dioska hasi zen, Jainkoaren kontra, deabruari hoska. Eta, bizitza honetan eta bertzean ohi denez, deabrua ...

ERNESTO PRATEK "ORPOZ ORPO" NOBELA GAZTETXEAN AURKEZTU ZUEN

Ernesto Pratek ortziral gauean “ Orpoz orpo ” bere bigarren nobela Elizondoko gaztetxean aurkeztu zuen. Eleberria argitaratu berria izanik, tramaren ingurukoak saihestu nahiago izan zituen eta, horrela, solasaldia kontaketaren elementu orokorretan eta idazketaren ingurukoetan antolatu zuen. Modu horretan, orain artio liburuaren berri emateko eskainitako elkarrizketetan aipaturiko kontu batzuk azpimarkatzeaz gain: nobela pitoa dela; sexua, umorea eta klandestinitatea nahasten dituela; gazte baten parodia dela… Idazketa momentuari eta klandestinitateari dagozkion hainbat bizipen eta gogoeta partekatu zituen, entzuleak sasiko bitzitzaren trama egiazkoarekin harrapatuz eta ixilpeko mundu erreal horren parte eginez; orduan agertu ziren beldurra, hestura, gerra zikina, jazarpena… Eta, halako baldintzetan bizitzeko indarra atxekitzeko nobela pitoa idatzi beharra. Umorea, bizirauteko estrategia bezala. Gaztetxeko goitiko solairua jendez bete zen eta ortziraleko giro lasaiari dagokion mo...

Blogger zerbitzuak eskainia