HAUTESKUNDE EKITALDIA EGIN DU EH BILDUK BAZTANEN


EH Bilduk hauteskundeetako ekitaldia egin zuen Elizondoko Arizkunenean larunbat atsean. Kultur etxeko sabaia ia beterik zela Sabino Cuadra EH Bilduren kongresurako hautagaia eta Miren Aranoa EH Bilduren Nafarroako parlamentaria heldu den igandeko hitzorduaren garrantziaz mintzatu ziren. Azkeneko foru hauteskundeetan erregimena Nafarroako Gobernutik kanporatu ondotik, aldaketa indartu behar dela erran zuten. Gainerakoan azkeneko urteetan herri sektoreek jasandako murrizketak salatu zituzten eta EH Bilduk erabakitzeko eskubidea eskatzen duelarik, bizitza hobea izateko eskatzen duela: ekonomiaz, hezkuntzaz, osasungintzaz... erabakitzeko hain zuzen.

Ekitaldian bertze gisako uneak ere izan ziren. Modu horretan Olaia Intziarte oronoztarrak kanta ederrak eskaini zituen eta Elurre Iriartek eta Fernando Anbustegik, Mikel Antzaren Sumak Kawsay idazlanean oinarriturik, ongi bizitzeari buruzko gogoetak irakurri zituzten, etika eraldatzaile sakoneko mezua hedatuz.