Prentsaurreko baten bidez, helduek DBH titulua ateratzeko aukeraz solastu ziren joan den egunean egindako aurkezpenean. Udal, gizarte zerbitzu eta Institutuko ordezkariek erran zutenez, joan den urtean, Baztango, Malerrekako, Bortzirietako eta Bertizaranako Udalek,
Gizarte Zerbitzuen bitartez, zonaldeko institutuekin eta Cederna Garalurrekin
elkarlanean, eskualdeko helduentzako irakaskuntza programa publikoa eta doakoa
indarrean jartzea lortu zuten. Aurten bigarren aldiz gauza bera egin nahi dute, ikasketak
akitu gabe utzi zituzten herritarrei aukera emanez: 18 urtetik goitiko herritarrei zuzendua da, doakoa eta hezkuntza sare publikoaren bitartez.
Dei egin dute 2016-2017ko ikasturtean DBH-ko tituloa
eskuratzeko taldean izena ematera, apirilaren 29a baino lehen, Lekarozko
institutuko bulegoetara deituz (948581803) astelehenetik ortziralera 8:00etatik 15:00etara eta asteartean
18:00ak arte.
Honen inguruko informazio zehatzagoa emateko eta
herritarren zalantzak argitzeko gaurtik aitzin Baztango herri guztietan batzar informatiboak izanen dira:
- Almandozen: apirilaren 12an, asteartea, 17:00etan
- Berroetan: apirilaren 12an, 18:00etan
- Anizen: apirilaren 12an, 19:00etan
- Oronozen: apirilaren 13an, asteazkena, 17:00etan
- Arraiozen: apirilaren 13an, 18:00etan
- Iruritan: apirilaren 13an, 19:00etan
- Zigan: apirilaren 14ean, osteguna, 17:00etan
- Lekarozen: apirilaren 14ean, 18:00etan
- Gartzainen: apirilaren 14ean, 19:00etan
- Amaiurren: apirilaren 19an, asteartea, 17:00etan
- Azpilkuetan: apirilaren 19an, 18:00etan
- Erratzun: apirilaren 19an, 19:00etan
- Arizkunen: apirilaren 20an, asteazkena, 17:00etan
- Elbeten: apirilaren 20an, 18:00etan
- Elizondon: apirilaren 20an, 19:00etan