Udako
lehorte eta ur-eskasiak ikusirik Baztango udalak Alkurruntz-Atxuela alderdian
alhatzen dituzten azienda buruendako askak eta ur-eramate azpiegiturak egin
ditu, denera 14.000 euroko inbertsioa eginez.
Alde batetik, Alkurruntzeko
askaren ondoan 2.000 litroko ur-depositoa egin du; hortik, Aizkozko eta
Atxuelako lepoetarat ura eramateko 2
km . hodi sartu eta aipatu bi lepoetan bi aska berri
egin. Aska berrietan urak gainezka ez egiteko eta alferrik ez galtzeko buiak
paratu ditu.
Bertze aldetik, Pausutxarreko eta Gurutzetako lepoetako askak
moldatu ditu. Lan hauek Isidro Goñi S.L.k egin ditu eta asken kokapena eta egin
beharreko lanak zehazteko hango nekazariekin bilerak egin dira.
Alkurruntz-Atxuela
alderdian Azpilkueta, Amaiur, Orabidea eta Bagordiko nekazarien ardiak,
behorrak eta behiak alhatzen dira.