arranbela

Bilatu blogean

Data: maiatza 14, 2017

Lortu esteka
Facebook
X
Pinterest
Helbide elektronikoa
Beste aplikazio batzuetan

Lortu esteka
Facebook
X
Pinterest
Helbide elektronikoa
Beste aplikazio batzuetan

Ikusienak

"HISTORIA GUZTIAREKIN JANTZIRIK SORTZEN GARA (...)"

Asteburu honetan hasi den Nafarroako hegaztien jardunaldiaren baitan, Joaquin Araujo natura-dibulgatzaile handiak Espacios protegidos, en defensa de la vivacidad solasaldi sentigarria eskaini zuen atzo Iruritako jauregian. Berak aipatu bezala, mintzaldia arrazoitzeko baino sentitzeko, hunkitzeko zen eta, hala, bere jario zirraragarri eta apainarekin bitzitzaren defentsan babestutako eremuen garrantziaz jardun zuen, zeharka-edo, Baztanek bere osotasunean, babestutako eremu beharko zukeela adieraziz. Poeta ere badenez, bere ele lirainekin lurraldea babestu beharra sentiarazi nahi izan zuen, azken batean, hunkitzen gaituenak bakarrik mugiarazten baikaitu eta denboran irauten baitu. Gizon jakintsuaren xalotasun eta zehaztasunaz dugun lanik handiena gure iragana guztiz ez xehatzea dela erran zuen, etorkizunaren faboretan zerbait uztea. Eremu bat babesten delarik bizitzarako etorkizun puskat bat gordetzen da. Iraganaren garrantziaz solasterakoan, bizitzaren historia ...

ESKOLA TTIKIEN BESTA ARRAKASTATSUA ERRATZUN

Erratzun ospatu da aurten Baztan-Urdazubi-Zugarramurdiko Herrietako Eskolen besta eta egun osoan barna giro ederrean joan da. Goizean jende aunitz Erratzuko sarreran elkartuz, bi taldeetan abiatu dira Gorostapolorat : Batzuk jinkana baten bidez Iñarbildik eta bertze batzuk zuzenean. Han irrien lagunen emanaldi sorpresa izan dute gozatzeko eta ondotik denak Fanfarronak fanfarrearekin bazkarirat hurbildu dira. 400 pertsona inguru bildu dira bazkarian musika, kantu, zozketak, tirolina eta aurpegi margotuekin gozatuz. Aipagarria da Guraso elkarteak eta herriak auzolanean egindako antolaketa.

"AROZTEGIA ETA GERO ZER?" TALDEAREN PRENTSA AGERRALDIA

Aroztegia eta gero zer? taldeak Aroztegiako proiektu espekulatzailea gelditzen duen Nafarroako Auzitegi Nagusiaren epaiaren berri emateko eta hura baloratzeko prentsa agerraldia egin du. Hitzez-hitz hauxe diote: Aroztegia eta gero zer? taldeak Aroztegiako proiektu urbanistiko-espekulatzailea geldiarazi duela jakinarazi nahi du. Nafarroako Auzitegi Nagusiak elkarteak aurkeztutako errekurtsoa ontako eman eta aitzineko udalak eta Nafarroako Gobernuak onartutako Udal Planaren aldaketa bertan behera utzi du, horrela, Aroztegiako lurren kalifikazio-aldaketa bertan behera utziz. Aroztegiako proiektua ez da egiten ahal; jokaldi espekulatzailea gelditu dugu. Zorionak, lekaroztarrak; zorionak baztandarrak.

Biolentzia matxista pasatzen ari da

Azaroaren 25a dugu gaur, Genero Indarkeriaren Kontrako Eguna. Borroka egun gisa landu dute Iñarrosi taldeak eta Baztango Talde Feministak eta, honen harira, hainbat ekimen antolatu egunean zehar, hauek: Egunean zehar, biolentzia matxista salatzeko ekimen anitzak Baztan osoan zehar. Arrats partean, 20.00etan, afari autogestionatu (ez-mistoa) Baztango Gaztetxean. Antolatzaileek afari autogestionaturako bertzeekin partekatu daitekeen plater bat ekartzea eskatu dute, itzuli zaratatsurako kamiseta beltz bat eta burrunba ateratzeko tresnaren bat. 22.00etan, itzuli zaratatsua (ez-mistoa) Baztango Gaztetxetik. Ondotik, genero zapalduen besta (ez-mistoa) Baztango Gaztetxean.

Blogger zerbitzuak eskainia