SOLASLAGUNA PROGRAMAREN AURKEZPENA AZAROAREN 2an

Baztango, Bortzirietako eta Malerrekako Solaslaguna  2007an sortu zen. Solaslaguna programan euskarazko mintzamena hobetu nahi duten hiztunak (bidelariak), txukun solastatzen direnekin (bidelagunak) elkartzen dira talde ttikietan (normalean launaka edo bortznaka), astean behin eta ordu betez. Iaz 100 lagun izatera ailegatu ginen eskualdean.

Solaslaguna bezalako programetan parte hartzen dutenek euskara maila hobetzeaz gain, gehiagotan erabiltzen dute eta ongi pasatzen dute, saioetan arras gustura egoten direla aipatzen dute.

Euskara ikasten ari diren lagunei lagundu nahi badiezu, edo zure ahozko euskara maila hobetu nahi baduzu SOLASLAGUNA da bilatzen duzuna.

Solaslaguna programan parte hartu nahi baduzu edo programari buruzko informazioa jaso, aukera polita izanen dugu azaroaren 2an.

Informazio gehiago: 
NOIZ: Azaroaren 2a, 19:00etan
NON: Arizkunenean