ARRANBELA BERRIKUNTZA GARAIAN SARTU DA


Baztango ezker abertzalearen komunikazio bitartekoa sendotzea da asmoa eta, irudiari edo atalen alorrean nahiz gaien tratamenduei dagokienez, aldaketak egonen dira.

Arranbelari aunitz badira eta horiei guztiei begira gure komunikazio-geziak zorroztera gatoz, Baztanen indarrean ditugun afera nagusien inguruan gure hitza ahalik eta indartsuen entzun dadin.

Aldaketatik kanpo geratzen dira Arranbelaren urteotako ibilbidean erakutsitako konpromisoa, zintzotasuna, eraldaketarako borondatea eta Baztan justuago bat eraikitzeko grina. Honetan guztian berdin segituko dugu.

Nafarroan aldaketaren alde eta erregimenaren monopolio komunikatiboa zapuzten segituko dugu, bertatik eta hurbiletik eragiten, baztandarren kezkei adarretatik helduz, eztabaidatuz eta ondorioak plazaratu eta zabalduz. Horretarako tresna berritua izango gara, orain arte egin dugun gisan, herri mugimenduen zerbitzura. 

Ea lortzen dugun! Berrikuntzan parte hartzera deituak zaudete noski, ondoan nahi zaituztegu!

Gure berriak jaso nahi badituzu edo berrikuntzaren inguruan ekarpenik egin, idatzi helbide honetara: arranbela@gmail.com