(Argazkia: Pello San Millan)Baztango Talde Feministak Feminikasten 2.1. deiturapean 2020ko lehen hiruhilekorako antolatu duen agendaren baitan, otsailean, gizakunde bezperan, "Emakumeak eta inauteak" izenpean solasaldi eta argazki erakusketa eginen dira.
Otsailaren 7an, Aitzpea
Leizaolak gaiaren inguruko solasaldia eskainiko du eta Gari Garaialdek bere
argazki erakusketaren aurkezpen-solasaldia eginen du Arizkungo Gamioxarrean. Argazki
erakusketa otsailaren 8ra arte egongo da ikusgai.
Aitzpea Leizaola
antropologian eta hizkuntzalaritzan lizentziatua da. Europako antropologian
espezializatu zen eta bere ikerketa ardatz nagusiak identitatea, naziotasuna,
antropologia politikoaren baitan border
studies deritzona, memoria eta ondarea dira.
Gari Garaialde
argazkilariak hainbat komunikabide euskaldunentzat lan egiten du. Bostok Photo
kolektiboaren sortzailea da.
Jarduera hau Jo ala
Jorekin batean antolatua izan da.