Tokiko ekonomia
indartzeko helburuarekin sortu den Arras Baztan Fundazioak web orria sareratu
du.
Xabier Torres,
Turismo, merkataritza eta kontsumo zinegotziak web orria aurkezteko prentsaurrekoan
esandakoaren arabera, “Arras Baztan Fundazioan sinesten dugu tokiko ekonomia indartzeko
osagaiak Baztanen bertan kokatzen direla. Bertako produktu eta zerbitzuak
lurraldearen hobekuntzarekin lotuz, eragileen arteko harremanak indartuz eta
baztandarren elkarlanerako kultura nabarmenduz, Landa Eremu erreferentziazkoa
zizelkatuko dugu: erronkei aurre egiten diena, ekintzailea; onuradun nagusia herritarra
bera izanen dena, eta iraunen duen paisaia sozial eta fisikoa emanen diguna.
Maxux Goñi, Apopilo
Elkarteko kideak Fundazioaren inguruko xehetasunak eman zituen agerraldian: “Fundazioko
patronatu kideak zortzi gara: Baztango Artisauak; Bertan Merkatarien Elkartea; Baztango
Zaporeak nekazal produktu egileen elkartea; Prest, zerbitzu turistikoak biltzen
dituena; Apopilo alojamendu turistikoen
elkartea; Lanbide Eskola; Garalur garapen agentzia eta Baztango Udala bera.
Dagoeneko, aipaturiko norabide honetan pausuak ematen hasi gara. Azkena, jakin duzuen
bezala, “konpromiso ttikien kanpaina”. Indar protagonista aldiz, baztandar
bakoitzaren baitan dago, eta ezinbertzekoa zitzaigun Fundazioaren eta Baztan
Markaren filosofia eta ekimenen leiho bat denen begi eta eskuetan jartzea.
Horregatik sareratu dugu web orri hau, originala izan beharra zuena eta gure
iritziz, hala egin dena.
Bukatzeko, web
orrialdea bisitatu eta proiektuan murgiltzeko gonbita egin zen:
www.arrasbaztan.eus.