(Argazkia: Erran.eus)
Aste honetan
jakinarazi den epaiaren arabera, Espainiako Auzitegi Gorenak atzera bota du Lekarozko
proiektua “pelotazo urbanistikoa” eta “pelotazo espekulatiboa” zela esateagatik
Palacio de Arozteguía SL-k Garbiñe Elizegi Baztango alkate ohiari jarritako
salaketa.
Adierazpen hauek “adierazpen
askatasunaren barruan” sartu ditu Auzitegi Gorenak, udaleko kargu publiko batek,
zalantzarik gabe polemikoa den gai baten inguruan, bere iritzia agerraraziz egindakoak
direla argudiatuta.
Elizegiren
adierazpenak legearen barruan egin zirela baieztatzen du sententziak eta zilegi
dela publikoki Aroztegiko proiektua kritikatzea Nafarroako Gobernuak hura
babestu arren. “Pelotazo” hitza behin eta berriz erabiltzea ezin omen da
neurrigabekotzat jo epaiak dioenez; gainera,
kritika nagusiki Nafarroako Gobernuari zuzenduta zegoela nabarmendu du, enpresaren
kontra baino gehiago.