HIRIGINTZA BATZORDEAREN 2011ko Irailaren 13ko AKTA



 
 Aste pare bat pasatu bada ere, hementxe duzue 
HIRIGINTZA BATZORDEAREN azken akta.



Hirigintza Batzordea 2011-09-13 

2011ko irailaren 13an bildu da Hirigintzako Batzorde irekia Baztango udaletxeko batzar gelan, honako hauek agertu direlarik: UHP berria idatzi duen taldea (Silvia Barbarín arkitektoa eta Ana eta Aitor Otazu abokatuak), Cristina Arregi udaleko arkitekotoa, Garbiñe Elizegi alkatea (BILDU),  udaletxeko hoanko zinegotziak: Iñigo Iturralde (BAZTANGO EZKERRA), Begoña Sanzberro eta Mari Carmen Iribarren (UPN), Peio Iriarte (NABAI), Santi Esarte (BILDU); eta 22 herritar.


LOEEari buruz (Lurraldea Okupatzeko Estrategia eta Eredua) solastu da. Silvia Barbarín orain arte izandako prozesuari buruzko aurkezpenarekin hasi da. Aipatzen du diskete bat dagoela, nahi duenak ikus dezan eta aldaketak aurkez ditzan. (Kopiak batzordean parte hartu duten eta eskatu zituzten herritarrei banatu zaizkie).


Udalaren Plan Orokorra tramitatzen ari dela aipatzen du. Horren parte dira LOEEa eta Udalaren Hirigintza Plana. Aipatzen da  kontuan hartu beharrekoa dela Atlantikoko LAPa, Baztan horren barruan dagoelako.

LOEEari buruz solasean, aipatzen da maximoak jasotzen dituen dokumentua dela, lurraldearen antolaketa, errepide eta mendiei buruzkoa. Izaten ahal den garapena (norat hazten ahal den) eta garapen iraunkorrerako bi eremu bereizten ditu, Elizondo eta Oronoz. Gainerako eremuak mugatuagoak daude, bizilekuen dentsitatearen eraginez.

Jarduerak: lehenengo sektoreari mesede egin. Jarduera industrialetarako, Ordokiko poligonoa. Marmola dagoen eremua berreskuratu merkataritzari begira. UGPSa (Udalez gaindiko Plan Sektoriala) hirugarren sektorearen eredu gisa aipatzen da eta Elizondoko ingurunea industria eremu gisa mantentzen da.

Eztabaida sortzen da eta aldaketak egiteko aukerei buruz galdetzen da, nola? Eta epeak? Erantzuten da aldaketak egitea posible dela, betiere udalak gaiak alderdi desberdinen arabera zehazten baditu. LOEEaren bornean dagoenari buruz solasten da, garatzen ahal da eta LOEEaren izaera loteslea dela. LOEEan aipatzen da 500 urteko urpetzeko muga errespetatuko dela, Elbete, Elizondo eta Iruritako inguruetan izan ezik. Aipatzen da komenigarria ikusten dela salbuespena Erratzu eta Arraioz bezalakoetara zabaltzea.

Aipatzen da ere LOEEa desastre hutsa izan ez dadin, mugatzailea izan dadila eta aldaketak akordio bidez adostuak izan daitezela. Aipatzen da hiri-lurrak murriztu direla, erantzuten da garatzeko aukerarik ez zuten hiri-lur oso zabalak zeudela. Horrek hiri-lurra garestituko zuela aipatzen da. Galdetzen da nolako hirigintza garapena izanen den herri bakoitzean eta zer egin behar den hutsik dauden etxebizitzekin. Azkenean Alkatetzek honako proposamena egiten du:

1. Kuartelka hitzaldi-eztabaidak antolatzea, izan daitezkeen hirigintza garapen eredu desberdinei buruz aritzeko, gidoi komun bat erabiliz.
2. Herri bakoitzean LOEEaren aurkezpen bat egitea eta datuak biltzea aurreko eztabaida adostutako garapen ereduan oinarritutako aldaketetarako.
Udalak zirriborro bat prestatuko du irailaren 27ko bilerarako.



Bilera amaitutzat ematen da eta bertaratuei erraten zaie hurrengo bilera 27an, arratsaldeko 18etan, izanen dela.