 |
| Baztandik hurbildutako jendea epaitegi barnean |
Elizondoko lau gazte 2010eko ihauteetan torturen parodia egiteagatik epaitu
zituzten atzo Iruñean. Parodiarekin ehunka Euskal Herritarrek tartean
eskualdeko hamarnaka bizilagunek polizien aldetik jasan dituzten torturak
salatu nahi izan zuten. Alta, epaiketa bertan behera gelditu zen fiskaltzak
bukaerako ondorioetan kalifikazioa aldatu zuelako. Hasieran, kalumnia
delituengatik 8 hilabeteko espetxe zigorra eskatzen zuen bukaeran irain gisa
kalifikatu eta bakoitzarendako 5.400 euroko isuna eskatu zuen. Defentsak
indefentsioa eragin zitzaiola argudiatuta, bertan behera uzteko galdegin eta
epaileak onartu zuen, hortaz, heldu den astean epaiketa berria eginen da.
Atzoko epaiketan, akusaturik dauden lau gazteek erran zuten lotsagarria dela
torturak salatzen dituztenak epaitzea eta torturatzaileak babestea. Defentsaren
aldetik atxilotuak eta torturatuak izan diren Baztan eta Malerrekako hiru
herritarren lekukotza izan ziren. Lekukotza eman zuenetako batek
erran zuen parodia ongi iruditu zitzaiola, bere egunean espainiako justiziak ez
zituelako berak salatutako torturak ikertu eta tortura horiek fisikoki eta
psikikoki ukiturik utzi zutelako eta, horregatik, beharrezkoa dela polizia
indarrek egiten dituzten torturak salatzea.