Heldu den larunbatean, buruilaren 22an “euskaraz bizi nahi dut” eguna ospatuko da Elizondon, lasterketa baten bidez.
Goizeko 11:30etan haurrendako ibilbidearen hasiera izanen da eta ondotik, helduen lasterkaldia. Lasterketak akituta, kale antzerki emanaldia izanen da Elizondoko plazan, Baztango kultura batzordeak antolatuta.
Horren harira, ortzeguna 20an “euskaraz bizi nahi dut” solasaldia eskainiko du Iñaki Lasa Kontseiluko kideak Elizondoko Arizkunenea kultur etxean, atsaldeko 7etan Baztango euskara batzordeak antolatua.