AZAROAREN 25EKO ADIERAZPEN INSTITUZIONALA EMAKUMEENGANAKO INDARKERIAREN AURKAKO NAZIO ARTEKO EGUNA

Emakumeen aurkako indarkeria giza-eskubideen eta oinarrizko askatasunaren urratzerik larrienetariko bat da. Horren barnean daude emakumeei kalte fisikoak, sexualak, psikologikoak edo ekonomikoak eragiten ahal dizkieten bortxa ekintza guziak, hala nola ekintza horiekin mehatxatzea, derrigortzea edo askatasunaz gabetzea, bai familian, bai lanean edo jendarte arloan nahiz arlo pribatuan edo publikoan ere.

Oroitarazi behar dugu genero indarkeria arazo estrukturala dela, eta Nazio Batuek Beijing-en 1995ean adierazi bezala “emakumeen eta gizonen arteko botere-harreman historikoki desorekatuen adierazpena dela. Izan ere, botere-harreman horiek ekarri dute gizonek emakumeak menderatzea, emakumeak baztertzea eta haien garapenean trabak jartzea”. Horrengatik guztiarengatik emakumeen aurkako indarkeria oraindik ere eragozpen handia da edozein jendarte demokratikoren garapenerako.

Eta indarkeria horren ondorioek, gainera, emakume horien esku dauden seme-alabengan eta pertsonengan eragina dute.

Azken 10 urteotan aitzineratze handiak egin dira, maila normatiboan zein jendartearen sentsibilizazioan, jendeak indarkeria mota hori hobeki ezagutzen du eta biktimengan bereziki eta oro har jendarterengan eragiten duen kalteaz ohartu da. Espainikako Estatuko Idazkaritzak Ikerketa Soziologikoetarako Zentroarekin batera egindako makro-inkesta baten arabera, genero indarkeria noiz edo noiz jasan dutela aitortzen duten emakumeen portzentajea %10,9koa da, horrek erran nahi du Nafarroan 35.500 emakumek jasan duela genero indarkeria, 122.400 emakumek Hego Euskal Herrian.

Errealitate horren aitzinean berriz ere oroitarazi nahi dugu emakumeen aurkako indarkeria desagerrarazteko modu bakarra berdintasuna dela, ez dela emakumeen arazoa, jendarte osoarena baizik eta, hortaz, emakume eta gizonen parte-hartze aktiboaren bitartez bakarrik konponduko dela.

Beraz, Emakumeenganako indarkeriaren aurka gauden ABERIN, ABLITAS, ALTSASU ALSASUA, ANSOAIN, , BARAÑAIN, BAZTAN, BERRIOZAR, BURLADA, CABREDO, CARCASTILLO, CINTRUENIGO, DICASTILLO, ESTELLA LIZARRA, EZKABARTE, FONTELLAS, FUSTIÑANA,  GUIRGUILLANO, HUARTE, LEOZ LEOTZ,  LIZASO, MIRANDA DE ARGA, NOÁIN, OBANOS, ORISOAIN, ORKOIEN,  PAMPLONA, PITILLAS, PUEYO PUIU, RIBAFORADA, RONCAL ERRONKARI, TAFALLA, TIEBAS, TUDELA, ULTZAMA, VALLE DE ARANGUREN, VALLE DE UNCITI VILLAVA ATARRABIA, ZIZUR MAYOR Y EL CONSORCIO DE DESARROLLO DE LA ZONA MEDIAko Udal, Kontzeju eta Mankomunitateek honako hau adierazten dugu talde gisa:

·      Indarkeria sexistaren gaitzespena, agerian eta ezkutuan dagoena, bai eta diskriminazioaren eta berdintasun ezaren ondorioz sortutako indarkeria horren adierazpen guztiena.

·      Gure konpromisoa, Administrazio Publikoak garen aldetik, indarkeria desager dadin neurriak hartzen jarraitzeko, jendarte, ekonomia, politika, legegintza eta sentsibilizazio eta prebentzio arloetan.

· Erasoak jasan,  hil edota muturreko indarkeria sexistaren biktimak izan diren emakumeenganako eta haien familienganako elkartasuna eta gure laguntza ematea.

         Horregatik, herritar guziak gonbidatzen ditugu, emakumeen aurkako indarkeria desagerrarazteko helburuaz, azaroaren 25ean antolatutako ekimenetan parte hartzera, indarkeria hori gaitzestera eta konpromiso indibidual zein kolektiboak hartzera. Bide horretan elkarrekin aitzinerat eginez, jendarte bidezkoago, demokratikoago eta parekidea lortu arte