EUSKARAREN BERRESKURAPENAREN GAKOA IRURITAN

Ortziral gauean Paula Kasares Baztango udaletxeko euskara teknikariak eta ikertzaileak bere doktore-tesiaren zati baten aurkezpena egin zuen Iruritan. Tesia euskararen belaunez belauneko  jarraipena eta hizkuntza sozializazioari buruz ari da eta, horren baitan, Iruritan, ikerketako landa-lanaren zati bat egin zuen; hori izan zen ortziralean Iruritako Jauregian aurkeztu zuena. Modu horretan Jauregiko behe-solairuko gela handia jendez-mukuru zela eta harri-luzituen eta zur-nobleen giro bildu eta apainean, Iruritako ikerketako kontu aipagarrienak aletu zituen: euskararen galeraren prozesua Iruritan nolakoa izan zen, galera horretan Lekarozko ikastetxeak, errepide berriak eta batez ere gerrak eta frankismoak izan zuten eragina… Eta, ondotik, euskararen berreskurapena nola eman zen. Berreskurapen horretan haurrak euskaraz eskolatzearen garrantzia aipatu zuen eta haurren euskalduntzearekin familiak nola bereuskaldundu ziren.