NAFARROAKO TOKI ENTITATEEK SALATU DUTE AURTEN EZ DUTELA EUSKARAKO DIRU LAGUNTZARIK JASO

Atzo prentsa aitzinean agertu ziren euskara zerbitzua duten Nafarroako udal eta mankomunitatetako ordezkariak. Euskarabidearekin zuten hitzarmena bertan behera gelditu zen joan den urtean eta lehiaketa publikoa antolatu zuen Nafarroako Gobernuak euskara sustatzeko diru laguntzak banatzeko. Aurten hori ere desagertu da. 

Atarrabiako alkate Kirio Gastearenak Nafarroako Gobernuaren jarrera salatu du, Baztango Euskara Mankomunitateko Maitane Maritorenarekin, Sakanako Euskara Mankomunitateko Maite Aldazekin eta Nafarroa Iparraldeko Euskara Mankomunitateko Juan Mari Barriolarekin batera. 

Euskal hedabideak, euskaltegiak, eta orain udalak eta mankomunitateak dirulaguntzarik gabe uzteak agerian uzten du nafarroako Gobernuko hizkuntza politika.

Nafarroako Hezkuntza kontseilari Jose Iribasekin bilera eskatu dute, baina oraingoz ez dute baiezko erantzunik jaso.