MEDIKU EUSKALDUNAK IZATEKO BAKARRIK EZ, ESKATZEKO ERE OZTOPOAK

Joan den astean Baztango Udalak, Baztango Euskalgintzak, UEMAk eta bertze hainbat erakundek elkarlanean abiatu zuten kanpainari trabak paratu dizkiote Osasunbideatik. Elizondon dagoen Osasun Etxea Nafarroako Gobernuarena dela argudiatuz, kexak sartzeko paratu behar zen kutxa ez dela paratzen ahal erran dute. Iruritako kontsultategian ez dago arazorik.
Hori dela eta, eskaera orria osasun etxean jaso, eta erreklamazioa egin ondoren orri horia Baztango udaletxerat eraman beharko da. 
Gogoan izan kanpaina honek otsailaren 27 artio iraunen duela.