ELIZONDOKO ZAHAR-ETXEAREN EGOERARI BURUZ ARGIBIDEAK EMATEKO BILKURA ERRONDA ANTOLATU DU BAZTANGO UDALAK.

Data:

Elizondoko zahar­-etxearen etorkizunaz eta diru publikoen erabileraz herritarrak informatzeko bilerak antolatu ditu udalak. Bilerak kuartelka eginen dira eta horietan honi buruz solastuko dira:
  • Zahar-­etxea gestionatzen duen patronatuari buruzko argibideak eman.
  • Bertan egiten den diru publikoen erabileraz eta hori publikoki kontrolatzeko dagoen zailtasunaz.
  • IDEAaren adjudikazioa automatikoki berritzeko hartu den erabakiaz 
Zahar­-etxeak oinarrizko zerbitzu soziala eskaintzen du Baztanen. Herritarren ongizatea bermatzeko ezin garrantzitsuagoa da eta, horregatik, zahar­-etxearen etorkizuna segurtatzeko ardura du Udalak, hala nola diru publikoen gestio argia egitea eta hori horrela izan dadin beharrezkoak diren iniziatibak hartzea. Azkeneko urteetan Udalak patronatuari urtero banaz bertze 90.000 euro eman dizkio. Hori guztiaz baztandarrak informaturik kontzea ere Udalaren ardura da.
Hala, Baztango Udalak informazioa emateko bilkura hauek antolatu ditu:
  • Martxoaren 14an, Elizondoko kuarteleko bilera, Elizondon, Arizkunenean; 19:00etan.
  • Martxoaren 17an, Erbereako kuarteleko bilera, Iruritan, Gizarte bilgunean; 19:00etan.
  • Martxoaren 18an, Baztangoizako kuarteleko bilera, Arizkunen, Ostatuko batzar gelan; 19:00etan.
  • Martxoaren 20an, Basaburuako kurteleko bilkura, Berroetan, Elkartean; 19:00etan.