Baztango 5 pertsonei
arrazoi politikoengatik 600 eta 1.200 euro artioko isunak etxerat iritsi
zaizkie. Salaketa Guardia Zibilak egin du eta iazko irailean Herrira
elkartearen aurka egindako polizia operazioari buruz Elizondon egin zen herri
batzarra aipatzen du. Herri-batzarra baimenik eskatu gabe egin zela dio Guardia
Zibilak eta, horregatik, harat hurbildutakoen artean, aipatu bortz baztandarrei
600 eta 1.200 euro artioko isunak ezarri dizkie. Isundutakoek 15 eguneko epea
dute salaketa errekurritzeko eta, aukera hori aztertzen ari dira. Azken urte
hauetan Guardia Zibilak arrazoi politikoengatik milaka euroko isunak jarri ditu
Baztanen.