Prentsa agerraldi batean herrietako bestetan ahalik eta otordu gejienetan bertako produktuak erabiltzeko ekimena aurkeztu zuten. Hitzez hitz hauxe erran zuten:
Baztan
Tokiko garapenaren ikuspegitik eraiki daitekeela uste dugu, herritarren
konpromisoan eta bertako baliabideen erabilera arrazoizkoan tokiko ekonomia,
gizarte harremanak, balioak indartu eta aldatu daitezkeela. Bide horretan,
balio handia duen pausu ttikia da proposatzen duguna, herrietako bestetan
antolatzen ditugun otorduetan: hameketakoak, bazkariak, afariak, merenduak,
txokolatadak… Ahal dugun neurrian bertako produktuak erabiltzea: txokolatadetan
bertako esnea, zikiro-jateetan bertako bildotsak, postreak… Herri bakoitzak
ikusiko du ze otordu antolatzen dituen eta ze pausu ematen ahal dituen. Ondoko
urtean konpromisoen taulak eta helburuak zehatzago ezarri eta beteko ditugu,
hau hasiera bertzerik ez da. Modu horretan, aurtengo bestetako otorduetako menuetan
edo eskaintzetan ere bertako produktuak erabili ahal izateko aldaketak egon
daitezke.
Ekimen
hau ttikia da eta egiteko modukoa. Balio handia du, konpromiso bat delako eta
eragina duelako. Eragina du bertako produktuak baloratzeko, bertako produktoreak
laguntzeko, herritarrei kontzientzia hartzen laguntzeko eta ohitura aldaketa
ttikiak errazteko. Pausu ttikia baino balio handikoa. Hasi gaitezen hortik
herritarrak inplikatuz eta bertako baliabideak aktibatuz. Aurtengo bestetan bertako produktuak.
Bat egin
duten besta batzordeak: Amaiur, Azpilkueta, Erratzu,Arizkun, Elizondo, Lekaorz,
Gartzain, Irurita, Arraioz, Oronoz, Berroeta eta Anizko besta batzordeak.
Baztandarren Biltzarrak ere bat egin du.