MADRIL, GAZTELAKO HIRIBURUA. HAN EGONDAKO BAZTANDARRAREN KRONIKA

Data:

Gutako gehienontzat faxismo eta errepresio gordinenaren ikurra. Bertan daude ehunka herritar torturatzeko erabiliak izan diren kuartelak, Espainiako poliziarena eta baita zoritxarrez hain ezaguna den guardia zibilaren Tres Cantos kuartela ere. Madrilen dago atxilotutakoak, inongo giza eskubiderik bermatu gabe eta sistematikoki kartzelaratzen dituzten epaileen Audientzia Nazionala ere. Espainiako kongresua, Genovako Alderdi Popularraren egoitza... amaigabea da herri mugimendua oztopatzea eta zapaltzea bertzerik nahi ez dutenen zerrenda.

Aurtengo irailean Askapenak antolatutako brigadaren barne Aragoi eta Gaztela herrialdeetara joandakook ordea, Madril hiriak eskaintzen duen bertze aurpegia ikusi eta ezagutzeko aukera izan dugu. Estatuaren tresneria zapaltzailearen aitzinean zutik jarri eta hortzak erakusten dizkionarena alegia. 
Jendarte patriarkatu honetan, gizon eta emakumeen arteko berdintasunaren alde buru belarri lanean ari diren talde feministeena; etxebizitza eskubidearen alde diharduten okupazio mugimenduena nahiz etxegabetuak izan diren familiak berriz aterpetzen dituzten elkarteena; unibertsitatean eta kalean faxismoaren aurka zuzen-zuzenean eta beldurrik gabe ekiten duten talde antifaxisteena; auzo ezberdinetan errespetatuak eta entzunak izan daitezen lan egiten duten auzo elkarte nahiz gazte mugimenduena; seme-alabek jasaten duten errepresio polizialaren kontra ausardia dabiltzan emakumeena; okupatutako zentro sozialetan eta baratze bihurtutako orubeetan lan egiten duten kideena; eta momentu honetan ahazten zaizkigun bertze hainbertze mugimenduren artean, nola ez, Gaztelaren independentzia eta sozialismoaren alde borrokan diharduten eta horren harira gure bidelagun diren Izquierda Castellana erakunde politikoko eta Yescagazte mugimenduko militanteena.

Argi dago, Maria Pacheco heroi gaztelarra mugimendu hauetan oraindik bizirik dagoela eta beharrezko indarra ematen diela borroka honetan aitzinera segitzeko.

MILESKER GAZTELA!! ZUENA DA GARAIPENA!!