Egungo testuinguru ekonomiko latz honetan, Europa, Espainia, Frantzia edota Gasteiz eta Iruñeko Gobernuek norabide bakarreko politika ekonomikoa bertzerik ez digute eskaintzen: herritarren bizitza zuzenean kaltetzen duten politika neoliberalak dira jaun eta jabe. Eskubide sozialak urratzen dituzten murrizketak, langabezia edota lan-prekarietatea, etxegabetzeak... gure eguneroko ogia diren hontan, ezinbertzekoa da denen artean neoliberalismoa gaindituko duen politika ekonomikoa osatzea.
EHBildu horretan ari da eta horretan sakondu nhai du antolatu duen mintegi irekian. Gai hauek landuko dira:
- zerga- eta aurrekontu-politika
- gizarte-politika
- tokiko garapena eta ekonomia sozial eraldatzailea
- energia burujabetza
- klausula sozialak
- industria eta berrikuntza
- lan-harremanak eta enplegua
NOIZ: Urriaren 18a, larunbata. 9:00etatik 13.00etara
NON: Bilbon, Ekonomika eta enpresaritza fakultatuean
