TRAFIKO ALDAKETAK ELIZONDOKO KARRIKETAN

Baztango Udalak prentsa ohar batean adierazi duenez, zenbait trafiko aldaketa emanen dira Elizondoko karriketan:

Jaime Urrutia karrika oinezkoendako izanen da bakarrik
Joan den uztailaren 4an auzotarrekin deituriko bilkura egin ondotik, elizondoko herriak, Baztango Udalaren babesarekin, Jaime Urrutia karrikako tarte bat oinezkoentzat ixtea erabaki du, ondoren adierazten den moduan:
  • oinezkoentzako tartea: Karrika ostatuaren paretik, Ziga plazaraino
  • datak: larunbat eta igandetan; uztailaren 23/24ko asteburutik hasita, irailaren 24/25eko astebururaino; biak barne. 
  • ordutegia: larunbateko 13:30etatik, igandeko 24:00ak artio
Auzotarrek pasatzeko aukera izanen dute.

Burges Karrikako zentzua aldatuko da.
Halaber, ibilgailuen zirkulazioa errazteko Burges karrikaren norabidea aldatuko da. Hemendik aitzinerat Jaime Urrutiatik Santiagorako norabidekoa izanen da eta ez alderantziz.