Abenduaren 23an egin zen osoko bilkuran Mikel Zabaltza
orbaiztarraren desagerpen eta hilketa oroitzen duen “Objektu galduak”
dokumentala diruz laguntzeko erabakia hartu zen.
Orain hogeita hamaika urte
Guardia Zibilak Mikel Zabaltza atxilotu eta hogei egunez desagertuta egon
ondotik Bidasoa ugaldean hilotz agertu zen. Lehendabiziko momentutik
Intxaurrondoko kuartelean torturapean hil zutela salatu zen. Ordukoak oroitzeko
Ahotsak-ek “Objektu galduak” izeneko dokumentala eginen du eta, horretarako,
diru-laguntza kanpaina hasi dute. Hala, Baztango Udalak EH Bildu eta Ezkerraren
aldeko 6 bozkekin, eta Geroa Bai, Auzolanean eta UPNren aurkako 6ekin,
alkatearen kalitatezko botoa baliatuz dokumentala egin ahal izateko 750 euroko
dirulaguntza ematea onartu zuen. Auzolaneaneko ordezkariak ordukoak ahantzi
behar direla erran zuen.
Bertzalde, dokumentalaren izenburuari buruz, aipagarria da
“Objektu galduak” nondik heldu den: Mikel Zabaltzaren ama semearen desagerpenari
buruz Intxaurrondoko kuartelerat galdezka joan zelarik, han zen Guardia
Zibilak, semea desagerturik bazuen objetu galduen bulegorat joateko erantzun
zion.