GLIFOSATOAREN ONDORIOEI ETA HORRI BURUZKO ALTERNATIBEI BURUZKO MINTZALDIA EGIN DUTE ELIZONDON



Hazitik Hozie elkarteak aurtengo ikasturte hasmentan, haziak prestatu, trukatu eta baratzeak ez pozoitzeko jardunaldiak antolatu ditu. Azken hau, Martxoaren 22an Paul Bengoak eta Felipe Etxetxipiak, EHNE sindikatuko bi teknikariak, ederki azaldu zuten. Solasaldiaren izenburua, “Glifosatoa-Roundup inguruaren pozoiketa eta jendeen minbizia”. 

Glifosatoa Roundup izenaz ezagutzen den herbizidaren printzipio aktiboa da. Gaur egun erabil daitekeela zioten Paul eta Felipek, baino Europako hainbait herrialdek jada eztabaidan dihardute, debekatzeko. Gainera, zenbait ikerketen arabera pertsonengan minbizia eragiteaz gain lurra eta ura bera ere pozoitzen dute. Hortaz bada, produktu hau erabili ordez bertze teknikak ere badira. Horien artean, eskuz moztu edo mekanikoki, mulchinga etab.  Bertzalde, belarrei ezin diogula “txarra” deitu erran zuten, espezie bakoitzak bere funtzioa baitauka eta gainera daukagun lurra edo inguruaren kudeaketaren adierazle direla. Beraz hobeki ezagutu behar dugu daukagun lurra eta hortan eraginez gero seguru aski  nahi ditugun belarrak azalduko zaizkigu.

Azken finean alde batetik Roundupen eta transgenikoen erabilera, eta bertze aldetik hazien pribatizazioa dira enpresa haundi hauen diru sarrerak haunditzeko estrategia, eta ez gure uztak hobetzeko. Eta gisa honetako produktuei zerga haundituz gero guttiago erabiliko lirateke, merkeegi baitira eragiten duten kaltearekiko. Beraz, azkenik bai Paulek eta bai Felipek gure lurrak hobeki ezagutu eta bertze teknikak erabiltzeko aipatu zuten, honela gure lurrak, urak eta nola ez gure osasunak eskertuko bailukete.