EHKO-k antolaturik behi, ardi eta ahuntzek
jaten dutena ongi orekaturik ote dagoen aztertzen duen Obsalim metodoari
buruzko ikastaroa egin berri dute Baztanen, zehazki, Anizko Jauregian eta Arizkungo
Dutaria nekazal etxalde ekologikoetan. Obsalim metodoaren bidez azienden itxura
eta gorotzak aztertzen dira eta azterketa horien bidez modu orekatuan
bazkaturik dauden ikusten da; ikastaroa Ekaitz Masustak eman zuen.
Ikastaroa azaroaren 17an egin zen EHKO
elkarteak antolaturik. EHKO elkartea Euskal Herriko bio-baserritar
agroekologiko eta herritarren kolektiboa da eta Nafarroa eta Gipuzkoako zazpi
nekazari bildu ziren. Horietako batzuk esnetako behiak zituzten eta bertzeak ardiak.