“Batu borroka
feministara” lelopean antolatu da aurtengo Emakumearen Nazioarteko Eguneko
egitaraua.
Emakumeen
Nazioarteko Eguna girotze aldera, martxoaren 6an, ortziralean, bertso afari
feminista eginen dute Elizondon. Baztango gaztetxean izanen da hitzordua eta
Alazne Untxalok eta Saioa Alkaizak girotuko dute mahai ingurua. Afarirako
txartelak salgai daude Intza tabernan eta Zubipuntan, 18 eurotan.
Martxoaren 8an, saretze
feminista eginen da: 11.00etan abiatuko da Lekarozen (lurraren defentsa); Elizondon
jarraian, Baztanberrin (AEK, euskara, 11.10etan); Benito Menni (zaintza-lan
feminizatua) eta haur eskola (zaintza-lan feminizatua) ondotik, 11.15etan;
gaztetxera (gazteak, 11.20) gero eta Bidelagunen amaituko da (migranteak,
11.30etan).
Saretzearen
ondotik, manifestazioa eginen da Elizondon, plazatik 12.00etan abiatuta.
14.00etarako deitua dago bazkari partekatua, Donezteben. Eta 17.00etan azken manifestazioa,
Donezteben.