Herrira ekimenak preso
eta iheslarien alde indarrak biltzeko Goazen plazak betetzera ekimena
deitu du larunbaterako Euskal Herriko plaza guztietan, tartean Elizondon ere.
Horri buruz gehiago jakiteko Baztango Herrira ekimeneko kide batekin solastatu
gara.
Ondorik elkarrizketa osoa irakurtzen ahal duzu:
Larunbateko plazak
betetzeko ekimenarekin zer lortu nahi da?
Aurtengo Urtarrilean
jendetza ikaragarria bildu zen Bilbon euskal presoen eskubideen alde, eta 2
estatuei presoen hurbilketa, preso gaixoen kaleratzea eta kondena betea dutenen
askatasuna eskatzeko. Geroztik, gero eta jende, alderdi politiko eta eragile
sozial gehiago posizionatuz joan dira presoen irtenbidearen alde. Halere,
estatuek ez dute urratsik eman zentzu horretan. Hortaz, ikusten da Gobernua
bere blokeo posiziotik ateratzeko presio soziala ezinbertzekoa dela. Bilbon
azkeneko urteetan egin den manifestaziorik handiena egin baldin bazen,
larunbata honetan herri bakoitzean, azkeneko urteetan egin den
elkarretaratzerik handiena egitea da helburu.
Aitzineko astean agerraldi publiko jendetsua egin zenuten. Baztanen ere preso eta iheslari
politikoen inguruko sentsibilizazioa handitzen ari dela sumatzen da?
Bai, gero eta jende
gehiagok uste du, aro berri honetan, gatazkak utzitako ondorio guztiei
konponbidea eman baher zaiela, gatazka benetan gainditu nahi baldin bada.
Azkeneko egunotan kontaktu aunitz izan ditugu sensibilitate politiko
ezberdinetako jendearekin, eta orokorrean arras jarrera ona erakutsi dute denek
preso politikoen aferarekin.
Herrira mugimendu
berria izanik, zertan dago Baztanen? Aurkezpen publikorik egitea aurrikusi
duzue?
Sortu zenetik
lanpetuak ibili gara, dena den maiatzaren 19ko ondoko egunetan
aurkezpen publikoa egiteko asmoa dugu.