Adiskide maiteok, hasteko, plazer baduzue, Baztango LOEEari buruz Diario de
Noticiasek atzo idatzi zuen lehendabiziko berria irakur
ezazue. Bon, irakurrita? Ba, mintza gaitezen.
Aipagarria
da Baztango Lurralde Okupazioaren Eredu eta Estrategia idazteko prozesu parte
hartzailea joan den otsaila
aldean abiatu zela eta,
horren baitan, erakusketa bat inauguratu zela, kuarteletan bi bilera txanda
egin zirela, foro sektorial bat osatu zela e.a. Baina iduriz, orain artio prozesuak ez du Diario
de Noticiasen arretarik merezi izan.
Prozesuari boikota?
Bigarrenik,
parte hartzeari buruz ematen
dituen datuak lehengo udaberrian aurkeztutako txostenean emandakoak dira.
Eta txosten horretan parte hartzearen azterketa egiteaz gain, herritarrek
proposatutakoak aurkezten ziren. Nolanahi ere, bitxia zinez orain artio aipamenik
merezi izan ez duten joan den udaberriko datuei buruz duen bapateko interesa.
Eta orain perla bat: La participación ha decaído
notablemente en los últimos tiempos, un caso real con las más variadas
opiniones, y se ha mostrado con toda su crudeza en la fase de consultas de la
Estrategia y Modelo de… Kontuan hartuta LOEEaren prozesua joan den
otsailan hasi zela eta kontsulten fasea joan den negu-udaberrikoa zela, azken
aldiko gainbeheraz ari delarik lehengo
legealditik“sumatzen” den gainbeheraz ari da? Hori horrela bada, argi eta garbi
errealitatearekiko deslotura kasu kliniko bati buruz ari gara. Aitzinekoan zero patatero izan
baitzen.
Bertzalde,
azpilerroburuan datorren la participación ha sido mínima a pesar de que bildu convocó
juntas en los pueblos… nola erranen genuke inor mindu gabe… ez da egia. Udalak
antolatutakoak dira eta kasu honetan udaleko gobernua koalizio batek osatzen
du. BILDUk, tarteka bere batzarrak deitzen
eta antolatzen ditu, baina kasu honetan Baztango
udala izan da. N.P.k egiten duen jokoan zer lortu nahi duen? Ba, bai seguru
aski pentsatzen duzuen hori bera.
Gainerakoan
eskertzekoa da udal batzordeei buruz
behingoan zerbait idaztera animatu izana. Betiere ohartu gaitezen honakoa: La misma falta de preocupación o desinterés se observa en
las comisiones abiertas municipales donde, salvo excepciones muy concretas
(Cultura, Servicios Sociales, Comercio y Turismo), la asistencia es
mínima (…). Bere zerrendari
hezkuntza batzordea, hondakinena, ingurugiroarena… gehitzen ahal zaizkio eta
eskas funtzionatzen dutenetan bertze zerrenda bat ere egin liteke. Baina
hoberena hau da: Incluso en el
sector ganadero se aprecia escaso interés, con reuniones a las que, además de
concejales y técnicos municipales, se han dado casos de asistencia de tres
personas. Berak idatzitako
moduan irudi luke nekazal sektoreak berebiziko parte hartzea izan duela
Baztanen eta kataklismoaren handienean, sektore horretakoek ere ez dutela
parte hartzen. Bistan da, berdin berdin
aipatu zitzakeen hiltegiari buruz eztabaidatzeko foroak izan zuen erantzun
positiboa, baina zer eginen diogu…
Garbi dagoena zera da N.P.k kosta ala kosta udalaren porrota
modu batean ez bada bertzean irudikatu nahi duela eta irudi hori herritarren
artean txertatu. Bon, jokaldi guztiak azalerazteko hemen izanen gaitu.
Hurrengoa artio.